الهلال و........

من هزيمة لهزيمة .. ياجماهير الشتيمة
دام نيتكم سقيمة.. باذن ربي خاسرين

اتهام بالرشاوي .. والحكم لاغلط ناوي
كل هذا والبلاوي.. قالوا حنا عاقلين

ضرب وجلد بالعقال.. حقد ونية اغتيال
صرنا في ساحة قتال .. كيف صاروا مجرمين

الضماير غيروها .. والوثايق زوروها
والشتايم نشروها .. مابقى بالقلب دين

الملاعب شوهوها .. والحقايق اقلبوها
والنوايا اظلموها .. وهما اصلا ظالمين

حتى زادو بالحدود .. صورونا كاليهود
العدو الباغي اللدود .. هو عدو المسلمين

الحكم اصدر قراره .. والزعيم فاز بجدارة
حتى لو شبو شعاره .. مايضره حاقدين

دامكم اردى فريق .. ومن قديم هوغريق
ليه زحمة بالطريق .. والا يعني عايشين؟

ياجماعة وش بلاكم .. قالوا يلزمنا محاكم
هذا والله من رداكم .. وهذا عذر الفاشلين

قالوا نبغى مناظرات .. فيها كشف مؤامرات
مدمنين مهاترات .. ومن قهرهم ضايعين

البطولة ماتبيكم .. والبلا منكم وفيكم
هذي عقوبة عليكم .. غصب يعني منافسين

حتى نادي الاتحاد .. عاث بالدنيا فساد
خطف وتزوير وعناد .. اجتمعتواشريكين

صرتوا قدام الملا .. خايب فيه الرجا
معه متعوس البلا .. اجتماع موفقين

لاومن زين المثايل .. جبتوا ليزر للتحايل
سود الله هالفعايل .. خلفها حقد دفين

جبتو شيشة للملاعب .. والتعصب والمتاعب
وشغلكم كله تلاعب .. والرئاسة نايمين

من غباكم والهبال .. من تحديتوا الهلال
الزعيم بلا جدال .. رغم كيد الكايدين

كم جمع له من بطولة .. حتى مجده من يطوله
شوفوا فعله صفقوا له .. صيروا مرة محايدين

مجد وابداع ونجوم .. فوز وفرك للخشوم
شكر مع نعمة تدوم .. رزق رب العالمين

بالنوايا ترزقون .. ليت مرة تفهمون
احسنوا فينا الظنون .. لكن انتم معاندين

خوذوا منا هالدروس .. كيف حصلنا الكؤوس
صافيه فينا النفوس .. حتى واحنا خاسرين

مجدنا طال القمم .. همة فوق الهمم
دام ماطلنا الذمم .. هذا سر الناجحين


لأننا نادي الزعيم .. ثابتين من قديم
وكل يوم له غريم .. وكلهم متغيرين